मतदाता नामावली अद्यावधिकमा सहजीकरण गर्न स्थानीय तहलाई सरकारको आग्रह
काठमाडौँ, २१ साउन – भूमि व्यवस्था, सहकारी तथा सङ्घीय मामिला मन्त्रालयले मतदाता नामावली सङ्कलन र अद्यावधिक कार्यमा आवश्यक सहयोग तथा सहजीकरण गर्न सबै स्थानीय तहलाई आग्रह गरेको छ। मन्त्रालयले गाउँपालिका र नगरपालिकालाई पत्राचार गर्दै प्रदेश तथा जिल्ला निर्वाचन कार्यालयसँग समन्वय गरी वडास्तरमा सञ्चालन हुने मतदाता नामावली अद्यावधिक कार्यक्रम प्रभावकारी बनाउन अनुरोध गरेको हो।
निर्वाचन आयोगले साउन १५ गतेको निर्णयअनुसार आगामी भदौ १५ भित्र विवाह, बसाइँसराइ र मृत्यु भएका मतदाताको विवरण अद्यावधिक गर्ने कार्यक्रम सञ्चालन गर्दैछ। यसैबीच, राष्ट्रिय फलफूल विकास आयोजनाले चालु आर्थिक वर्षका लागि निजी फलफूल नर्सरी सुदृढीकरण कार्यक्रमअन्तर्गत प्रस्ताव आह्वान गरेको छ। कोशी, बागमती, गण्डकी, कर्णाली र सुदूरपश्चिम प्रदेशका इच्छुक नर्सरी सञ्चालकले एक महिनाभित्र आवेदन दिन सक्नेछन्।
कार्यक्रममा सहभागी किसानले ५० प्रतिशतसम्म अनुदान पाउने व्यवस्था गरिएको छ। त्यसैगरी, मन्त्रालयले राष्ट्रिय खोप कार्यक्रमलाई प्रभावकारी बनाउन पनि स्थानीय तहलाई आवश्यक समन्वय गर्न आग्रह गरेको छ। खोप छुट भएका बालबालिकाको पहिचान, पहुँच विस्तार तथा आवश्यक स्थानमा थप खोप केन्द्र सञ्चालन गरी नियमित खोप सेवा प्रभावकारी बनाउन मन्त्रालयले निर्देशन दिएको छ।
