काठमाडौँ उपत्यकामा १७ जना सहित देशभर थप ७३ जनामा कोरोना संक्रमण पुष्टि
काठमाडौँ, २८ फागुन – पछिल्लो २४ घण्टामा काठमाडौँ उपत्यकामा १७ जना सहित देशभर थप ७३ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार काठमाडौँमा १२, भत्तपुर २ र ललितपुरमा ३ जनामा संक्रमण देखिएको छ । यस्तै, देशभरको प्रयोगशालामा २ हजार २३८ आरटी पीसीआर तथा २ हजार ८२४ एन्टीजेन परिक्षण सहित ५ हजार ६२ जनाको परिक्षण गर्दा थप ७३ जानामा संक्रमण देखिएको हो ।
यो सँगै कोरोना संक्रमितको कुल संख्या ११ लाख १७ हजार ८१४ रहेको छ भने सक्रिय संक्रमितको संख्या ५ हजार ५० रहेको छ । यस्तै, पछिल्लो २४ घण्टामा थप १ सय ९२ जना कोरोना संक्रमित निको भएका छन् ।
योसँगै कोरोनामुक्त हुनेको संख्या ९ लाख ६० हजार ८७८ पुगेको छ । यसैबीच, पछिल्लो २४ घण्टामा कोरोना संक्रमणका कारण मृत्यु हुनेकाे संख्या शुन्य रहेकाे स्वास्थ्य मन्त्रालयले जनाएको छ । यसैगरी संक्रमण बाट अहिलेसम्म मृत्यु हुनेको कुल संख्या ११ हजार ९५० रहेको छ ।
