देश निकासका लागि शान्ति र संवैधानिक प्रक्रियाको सुझाव : पापड

काठमाडौं, २५ भदौ — पेसागत सञ्जाल (पापड)ले मुलुक अहिले तरल अवस्थामा पुगेको भन्दै शान्ति र संवैधानिक प्रक्रियामार्फत राजनीतिक निकास दिन सुझाव दिएको छ।

जेनजी आन्दोलनपछि उत्पन्न राज्यविहिनताको अवस्था र देखिएको अन्योलताबारे बिहीबार वक्तव्य जारी गर्दै पापडले मुलुकलाई सुरक्षित अवतरण गर्दै लोकतन्त्रलाई मजबुत बनाउन सबै पक्ष जिम्मेवार बन्नुपर्ने जनाएको छ।

“यथास्थितिमा रहनु उचित हुँदैन, संवैधानिक, लोकतान्त्रिक र न्यायोचित संवाद तथा प्रक्रियामार्फत समाधान खोजिनुपर्छ,” वक्तव्यमा उल्लेख छ।

सञ्जालले जेनजीले उठाएका संरचनात्मक सुधारका मागलाई समेत सम्बोधन गर्दै सर्वस्वीकार्य लोकतान्त्रिक प्रक्रियाबाट उन्नत लोकतन्त्रतर्फ अघि बढ्नुपर्ने सुझाव दिएको छ।