राष्ट्रिय सभाको बैठक आज, पाँच समितिको पनि कार्यसूची तय
काठमाडौँ, २० असार – सङ्घीय संसद्को राष्ट्रिय सभाको बैठक आज दिउँसो १ः१५ बजे नयाँ बानेश्वरस्थित सङ्घीय संसद् भवनमा बस्ने भएको छ। बैठकमा उपप्रधानमन्त्री तथा अर्थमन्त्री विष्णुप्रसाद पौडेलले प्रतिनिधिसभाबाट सन्देशसहित प्राप्त ‘आर्थिक विधेयक, २०८२’ र ‘राष्ट्र ऋण उठाउने विधेयक, २०८२’ माथि दफावार छलफल गर्ने कार्यसूची रहेको सङ्घीय संसद् सचिवालयका महासचिव पद्मप्रसाद पाण्डेयले जानकारी दिनुभयो।
सम्भावित कार्यसूची:
-
दफावार छलफलपश्चात दुवै विधेयक पारित गरी प्रतिनिधिसभामा फिर्ता पठाउने तयारी रहेको छ।
यसैबीच, आज पाँच वटा संसदीय समितिको बैठक पनि बस्ने भएका छन्:
-
अर्थ समिति
-
‘बैंक तथा वित्तीय संस्थासम्बन्धी ऐन, २०७३’ लाई संशोधन गर्न बनेको विधेयकमा दर्ता भएका संशोधन प्रस्तावकर्तासँग छलफल।
-
-
अन्तर्राष्ट्रिय सम्बन्ध तथा पर्यटन समिति
-
‘नेपाल नागरिक उड्डयन प्राधिकरण विधेयक, २०८१’ माथि छलफल।
-
-
कानुन, न्याय तथा मानवअधिकार समिति
-
‘नेपाल कानुन व्यवसायी परिषद् (दोस्रो संशोधन) विधेयक, २०८१’ को सन्दर्भमा परिषद्सँग परामर्श।
-
-
महिला तथा सामाजिक मामिला समिति
-
समितिको काम कारबाही सम्वन्धी सामान्य छलफल।
-
-
पूर्वाधार विकास समिति
-
‘विद्युत् विधेयक, २०८०’, ‘नवीकरणीय ऊर्जा तथा ऊर्जा दक्षता विधेयक, २०८१’ र सुनकोसी–मरिण डाइभर्सन आयोजनाबारे छलफल।
-
संसद्का दुवै सदन र समितिहरूमा आज महत्वपूर्ण विधेयकमाथि छलफल हुने भएकाले बैठकहरूलाई नीति निर्माणका दृष्टिले महत्वपूर्ण मानिएको छ।
