प्रधानमन्त्री ओलीसहित शीर्ष नेताहरूको बैठक सुरु

काठमाडौँ, ६ असार — संक्रमणकालीन न्याय र अन्य समसामयिक राजनीतिक विषयमा छलफल गर्न प्रमुख तीन दलका शीर्ष नेताहरूबीच आज बैठक सुरु भएको छ। बैठक **प्रधानमन्त्री तथा मन्त्रिपरिषद्को कार्यालय (सिंहदरबार)मा प्रारम्भ भएको हो।

बैठकमा प्रधानमन्त्री केपी शर्मा ओली, नेपाली कांग्रेसका सभापति एवं पूर्वप्रधानमन्त्री शेरबहादुर देउवा तथा नेकपा (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ सहभागी हुनुहुन्छ।

संक्रमणकालीन न्यायसम्बन्धी विधेयक, शान्ति प्रक्रिया, र अन्य समसामयिक राष्ट्रिय मुद्दाहरू बैठकको प्रमुख एजेण्डा रहेको बताइएको छ।