स्वास्थ्य चौकीलाई एम्बुलेन्स हस्तान्तरण

मकवानपुर, ९ चैत – नेपाली कांग्रेस वाग्मती प्रदेशका संसदीय दलका नेता इन्द्रबहादुर बानियाँले मकवानपुरगढी गाउँपालिका–७ स्थित सुकौरा स्वास्थ्य चौकीलाई आज एम्बुलेन्स हस्तान्तरण गर्नुभएको छ । नेता बानियाँले आफ्नो विशेष पहलसहित आर्थिक सहयोग तथा शिवम् सिमेन्ट, बानियाँ निर्माण सेवा, ऊँ साई कन्सट्रक्शन, मोतिदान कन्सट्रक्शन र मोर्डन इन्फ्रास्ट्रक्चरको आर्थिक सहयोगमा एम्बेलुन्स खरीद गरी आज एक कार्यक्रमबीच स्वास्थ्यचौकीलाई हस्तान्तरण गर्नुभएको हो ।

मकवानपुरगढी गाउँपालिका–७ का वडाध्यक्ष एवम् स्वास्थ्यचौकी व्यवस्थापन समितिका अध्यक्ष सूर्यबहादुर रुम्बाको सभाध्यक्षता भएको उक्त कार्यक्रममा  मकवानपुरगढी–८ का वडाध्यक्ष कुमार सिं घिसिङ, शिवम् सिमेन्टका प्रमुख कार्यकारी देवेन्द्र सिंहा, स्वास्थ्यचौकीका उपाध्यक्ष प्रतिमान रुम्बा, सुकौरा टोल विकासका अध्यक्ष मुकुन्दप्रसाद न्यौपाने, जनता माविका प्रधानाध्यापक होमबहादुर नेपालीलगायतले मन्तव्य व्यक्त गर्नुभयो ।