बङ्गालको खाडीबाट मनसुनी हावा सक्रिय, धेरै स्थानमा भारी वर्षा हुन सक्ने सम्भावना
काठमाडौँ, १२ भदौ
जल तथा मौसम विज्ञान विभागको मौसम पूर्वानुमान महाशाखाले बङ्गालको खाडीबाट मनसुनी हावाको प्रभाव बढेसँगै आज देशका धेरै स्थानमा वर्षा हुने सम्भावना रहेको जनाएको छ। महाशाखाका अनुसार मनसुनको न्यूनचापीय रेखा सरदर स्थानमा सक्रिय भएकाले दिउँसो वाग्मती, गण्डकी, लुम्बिनी र सुदूरपश्चिम प्रदेशसहित पहाडी क्षेत्रमा साधारण बदली रहनेछ।
वाग्मती, गण्डकी, लुम्बिनीको तराई र सुदूरपश्चिम तथा कर्णाली प्रदेशका पहाडी भूभागका केही स्थानमा भारी वर्षा हुन सक्ने अनुमान गरिएको छ। आज राति देशभर सामान्य बदली रहने र पहाडी क्षेत्रका धेरै स्थानमा मध्यम वर्षा हुने पूर्वानुमान छ। गण्डकी, कर्णाली र सुदूरपश्चिमका पहाडी भागसँगै लुम्बिनी र कोशी प्रदेशका तराईका कतिपय स्थानमा पनि भारी वर्षा हुन सक्ने जनाइएको छ।
महाशाखाले वर्षासँगै पहिरो, गेग्रान बहाव (डेब्रिज फ्लो) र नदी–नालाको सतह बढ्ने जोखिम रहेको भन्दै यातायात तथा जनजीवन प्रभावित हुन सक्ने चेतावनी दिएको छ। साथै, स्थानीयवासीलाई सतर्क रहन र आवश्यक पूर्वतयारी गर्न अनुरोध गरिएको छ।
