लागूऔषधसहित काठमाडौँबाट ६ जना पक्राउ

काठमाडौँ, १५ साउन – काठमाडौँमा लागूऔषधको अवैध कारोबारमा संलग्न रहेको आरोपमा ६ जना पक्राउ परेका छन्। प्रहरीका अनुसार गोकर्णेश्वर नगरपालिका–२ नाम्यागल रोडबाट ६०० ट्याब्लेट नाइट्राभेटसहित पाँच जना र काठमाडौँ महानगरपालिका–२६ सामामुखीबाट खैरो हेरोइनसहित एक जना पक्राउ परेका हुन्।

पक्राउ पर्नेहरूमा:

• कालिकोटका २५ वर्षीय सरोज शाही

• सिन्धुपाल्चोकका २४ वर्षीय सूर्य लामा

• काभ्रेपलाञ्चोकका ३३ वर्षीय विमल मगर

• कास्कीका ३४ वर्षीय आशिष विक

• कास्कीकै ३० वर्षीय मनवीर गुरुङ

• झापाका ३३ वर्षीय शङ्कर राजवंशी छन्।

राजवंशीको साथबाट १०९.२२ ग्राम खैरो हेरोइन, एक थान डिजिटल तराजु, ९ थान मोबाइल र रु ८२ हजार ६३५ नगद बरामद भएको जिल्ला प्रहरी परिसर काठमाडौँका प्रहरी उपरीक्षक कुलदीप चन्दले जानकारी दिनुभयो। प्रहरीले पक्राउ परेकालाई सार्वजनिक गरेको छ र थप अनुसन्धान जारी रहेको जनाएको छ।