काठमाडौँमा उपत्याकामा १०० जना सहित देशभर थप २०५ जनामा कोरोना संक्रमण पुष्टि

काठमाडौँ, ३२ असार – पछिल्लो २४ घण्टामा काठमाडौँमा उपत्याकामा १०० जना सहित देशभर थप २०५ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभरको प्रयोगशालामा १ हजार १९९ आरटी पीसीआर तथा १ हजार ८९१ एन्टीजेन परिक्षण सहित ३ हजार ९० जनाको परिक्षण गर्दा थप २०५ जानामा संक्रमण देखिएको हो ।

यो सँगै कोरोना संक्रमितको कुल संख्या ११ लाख २२ हजार २०१ रहेको छ भने सक्रिय संक्रमितको संख्या १ हजार ३८५ रहेको छ । यस्तै, पछिल्लो २४ घण्टामा थप ५१ जना कोरोना संक्रमित निको भएका छन् ।

योसँगै कोरोनामुक्त हुनेको संख्या ९ लाख ६७ हजार ९५७ पुगेको छ । यसैबीच, पछिल्लो २४ घण्टामा कोरोना संक्रमणका कारण मृत्यु हुनेको संख्भया शुन्य रहेको स्वास्थ्य मन्त्रालयले जनाएको छ । यसैगरी संक्रमण बाट अहिलेसम्म मृत्यु हुनेको कुल संख्या ११ हजार ९५२ रहेको छ ।