सिन्धुपाल्चोकमा भूकम्पको धक्का

काठमाडौँ, १८ भदौ – सिन्धुपाल्चोकको तारामराङ आसपास केन्द्रबिन्दु बनाएर मंगलबार राति ११ः२३ बजे ४ म्याग्निच्यूडको भूकम्प गएको राष्ट्रिय भूकम्प मापन केन्द्रले जनाएको छ। धक्का सिन्धुपाल्चोकसहित आसपासका जिल्लामा पनि अनुभव गरिएको थियो।

यसअघि मंगलबार बिहान ६ः१५ बजे गोरखाको अजिरकोट–३ हंशपुरलाई केन्द्रबिन्दु बनाएर ४ म्याग्निच्यूडको र दिउँसो ३ः१३ बजे दोलखाको लापिलाङ क्षेत्रलाई केन्द्रबिन्दु बनाएर ४.१ म्याग्निच्यूडको भूकम्प गएको केन्द्रले जनाएको छ।नेपाललाई भूकम्पीय दृष्टिले संवेदनशील क्षेत्र मानिने भएकाले पछिल्ला दिनहरूमा साना भूकम्पहरू दोहोरिरहने क्रम जारी छ।