विराटनगर महानगरले चार अर्ब ४० लाखको बजेट सार्वजनिक गर्‍यो

मोरङ, १० असार – विराटनगर महानगरपालिकाले आगामी आर्थिक वर्ष २०८२/८३ का लागि रु ४ अर्ब ४० लाखको बजेट सार्वजनिक गरेको छ।

महानगरको १६औँ नगरसभामा उपप्रमुख शिल्पा निराला कार्कीले पूर्वाधार विकास, वडास्तरीय योजना र सामाजिक क्षेत्रलाई प्राथमिकता दिँदै बजेट प्रस्तुत गर्नुभएको हो।

बजेटका प्रमुख स्रोतहरू:

• संघीय सरकारबाट वित्तीय समानीकरण अनुदान — रु ३४.३४ करोड

• प्रदेश सरकारबाट — रु ३.६२ करोड

• मूल्य अभिवृद्धि कर (VAT) — रु १५.३९ करोड

• घरजग्गा रजिष्ट्रेशन शुल्क — रु ९४.६० करोड

• आन्तरिक राजस्व — रु १ अर्ब ४० करोड

• सशर्त अनुदान (संघीय/प्रदेश) — रु ८७ करोडभन्दा बढी

प्रमुख खर्च विनियोजन:

• कार्यालय सञ्चालन र प्रशासन — रु ६४.७५ करोड

• पुराना योजनाका भुक्तानी — रु ८ करोड

• भौतिक पूर्वाधार विकास — कुल रु १ अर्ब ६८ करोड

  • गौरवका आयोजना — रु ७० करोड

  • सडक मर्मत — रु १० करोड

  • फोहोरपानी प्रशोधन — रु २.६ करोड

  • विद्युतीकरण — रु २ करोड

  • भवन निर्माण अनुमति तथा संहिता — रु १.६५ करोड

प्रमुख कार्यक्रमहरू:

• ‘छोरी बचाउ, छोरी पढाउ’ कार्यक्रम निरन्तर

• निःशुल्क एम्बुलेन्स र शववाहन सेवा जारी

• ‘एक घर, एक रोजगारी’ अभियान अन्तर्गत लक्षित वर्गका लागि निःशुल्क तालीम तथा उद्योग प्रवर्द्धन

• उज्यालो विराटनगर कार्यक्रम र सडक बत्ती सुधार

• करदाता शिक्षा अभियानमार्फत करप्रति सकारात्मक सोच विकास

त्यस्तै, ऐतिहासिक विराटराजा दरबार क्षेत्रलाई पर्यटकीय गन्तव्यको रूपमा विकास गर्न र विराटनगर रोजगार मेलालाई निरन्तरता दिने योजना पनि बजेटमा समेटिएको छ।