देशभरका ७५३ पालिकामा उम्मेदवारी दर्ता गराउनेको संख्या १ लाख ३६ हजार नाघे

काठमाडौं, १३ वैशाख – वैशाख ३० मा हुने स्थानीय तहको निर्वाचनका लागि देशभरका ७५३ पालिकामा प्रमुख, उपप्रमुख र सदस्य पदका लागि उम्मेदवारी दर्ता गराउनेको संख्या १ लाख ३६ हजार नाघेको छ। तर अझै यो अन्तिम सूची नभएको निर्वाचन आयोगका प्रवक्ता शालिग्राम पौडेलले बताए।

‘कतिपय स्थानमा नेट छैन, कतिपय ठाउँमा राति अबेरसम्म लाइन छ’, उनले भने, ‘त्यसैले अन्तिम सूची प्रकाशन हुन बाँकी छ, अद्यावधिक जारी छ।’ देशभरका पालिकामा गरी ३५ हजार २ सय २१ पदका लागि अहिलेसम्म १ लाख ३६ हजार भन्दा बढीले उम्मेदवारी दिएका हुन्।