काठमाडौँमा उपत्यकामा १० जना सहित देशभर थप ४४ जनामा कोरोना संक्रमण पुष्टि
काठमाडौं, १० चैत – पछिल्लो २४ घण्टामा काठमाडौँमा उपत्यकामा १० जना सहित देशभर थप ४४ जनामा कोरोना संक्रमण पुष्टि भएको छ ।
काठमाडौँमा ९ जना र भक्तपुर १ जनामा संक्रमण देखिएकाे हाे । स्वास्थ्य तथा जनसंख्या मन्त्रालयका अनुसार देशभरको प्रयोगशालामा ३ हजार ८८१ आरटी पीसीआर तथा १ हजार ३८७ एन्टीजेन परिक्षण सहित ५ हजार २६८ जनाको परिक्षण गर्दा थप ३५ जानामा संक्रमण देखिएको हो ।
यो सँगै कोरोना संक्रमितको कुल संख्या ११ लाख १८ हजार ३६० रहेको छ भने सक्रिय संक्रमितको संख्या २ हजार २१९ रहेको छ । यस्तै, पछिल्लो २४ घण्टामा थप २ सय ६६ जना कोरोना संक्रमित निको भएका छन् ।
योसँगै कोरोनामुक्त हुनेको संख्या ९ लाख ६४ हजार १२७ पुगेको छ । यसैबीच, पछिल्लो २४ घण्टामा कोरोना संक्रमणका कारण मृत्यु हुनेको संख्या शुन्य रहेको स्वास्थ्य मन्त्रालयले जनाएको छ । यसैगरी संक्रमण बाट अहिलेसम्म मृत्यु हुनेको कुल संख्या ११ हजार ९५१ रहेको छ ।
