प्रकाशमानलाई भेट्न बालकृष्ण खाण चाक्सिबारीमा

काठमाडौँ, २८ मङ्सिर – गृहमन्त्री एवं नेपाली कांग्रेसका नेता बालकृष्ण खाण चाकस्सीबारी पुगेका छन्। सभापतिका उम्मेदवार प्रकाशमान सिंहसँगको भेटका लागि खाण उनको निवासमा पुगेका हुन् ।

सोमबार सम्मपन्न निर्वाचनको ४०३ मत मात्रै गन्न बाँकी रहदा सभापतिका उम्मेदवार शेरबहादुर देउवाले सर्वाधिक २०४६ मत पाएका छन्। शेखर कोइरालाले १६१५ मत पाएका छन्।

जितका लागि आवश्यक पर्ने ५० प्रतिशत बढी मत कटाउनु पर्ने सम्भावना टर्दै जाँदा देउवा निकट खाण सभापतिका अर्का उम्मेदवार सिंहलाई भेट्न गएका हुन् । दोस्रो चरणमा मतदान हुने देखिएपछि खाण देउवा पक्षमा सहयोग गर्न सिंहलाई भेट्न पुगेका हुन्।