दुई पत्रकार सम्मानित
इलाम, २० चैत – इलामका दुई अग्रज पत्रकार सम्मानित हुनुभएको छ । जिल्लाको पत्रकारितामा लामो समदेखि क्रियाशील रहनुभएका अग्रज पत्रकार सोमनाथ सुसेली र सटेन्द्र जवेगु सम्मानित हुनुभएको हो ।
उहाँहरुलाई सहकारी दिवसको अवसर पारेर दलबहादुर बस्नेत स्मृति पत्रकारिता पुरस्कारबाट जनही नगद रु १० हजारले पुरस्कृत गर्नुका साथै दोसल्ला ओढाएर सम्मान गरिएको छ ।
जुनतारा सामाजिक विकास केन्द्रले उहाँहरुलाई सम्मान गरेको हो । सम्मानित सुसेली नेपाल पत्रकार महासङ्घ प्रदेश नम्बर– १ को उपाध्यक्ष, रेडियो नेपालबाणी एफएमका स्टेशन म्यानेजर तथा इलाम एक्सप्रेस दैनिकका प्रधान सम्पादक हुनुन्छ ।
त्यस्तै अर्का सम्मानित पत्रकार जवेगु नेपाल पत्रकार महासङ्घका केन्द्रीय सदस्य तथा इलाम पोष्ट दैनिकका सम्पादक हुनुहुन्छ । उहाँहरु दुवैजना नेपाल पत्रकार महासङ्घ जिल्ला शाखाको निवर्तमान सभापति हुनुन्थ्यो ।
