अमेरिकी मध्यावधि निर्वाचनमा ट्रम्पको रिपब्लिकन पार्टीलाई धक्का, दुवै सदनमा डेमोक्रेटिकको अग्रता

काठमाडौँ । अमेरिकामा भएको मध्यावधि निर्वाचनको प्रारम्भिक नतिजामा राष्ट्रपति डोनाल्ड ट्रम्पको रिपब्लिकन पार्टीलाई धक्का लागेको छ। प्रारम्भिक नतिजाअनुसार अमेरिकी संसद्का दुवै सदनमा डेमोक्रेटिक पार्टीले अग्रता लिएको छ। डेमोक्रेटिक पार्टीले नर्थ क्यारोलाइनाबाट सिनेटको एक सिट जित्दै रिपब्लिकनको सिटसमेत खोसेको छ। यस्तै, जर्जियाबाट सिनेटर जोन ओसोफ पुनः निर्वाचित हुनुभएको छ।

गत १७ कात्तिकमा भएको निर्वाचनमा प्रतिनिधिसभाका सबै ४३५ र सिनेटका ३५ सिटका लागि मतदान भएको थियो। यससँगै विभिन्न राज्यमा गभर्नर तथा स्थानीय पदका लागि पनि निर्वाचन भएको थियो। यस निर्वाचनलाई राष्ट्रपति ट्रम्पको दोस्रो कार्यकालप्रतिको जनमत परीक्षणका रूपमा हेरिएको छ। नतिजाले आगामी दुई वर्षमा ट्रम्प प्रशासनलाई आफ्ना नीति तथा कार्यक्रम अघि बढाउन कति सहज हुन्छ भन्ने निर्धारण गर्नेछ।