पहिरो पन्छाएपछि नारायणगढ–मुग्लिन सडक सञ्चालनमा

चितवन, १ असोज – मङ्गलबार राति खसेका पहिरो पन्छाएपछि नारायणगढ–मुग्लिन सडकखण्ड पुनः सञ्चालनमा आएको छ। इच्छाकामना गाउँपालिका–४ घोप्टेभिर, वडा नं ५ तुइनखोला र वडा नं ६ नाम्सीखोलामा पहिरो खसेपछि सडक अवरुद्ध भएको थियो।

जिल्ला ट्राफिक प्रहरी कार्यालयका प्रमुख प्रहरी निरीक्षक गायत्री शर्माका अनुसार बिहान ६ बजेबाट पहिरो पन्छाउने काम सुरु गरिएकामा बिहान ९ः१० बजे सडक सुचारु गरिएको हो। तीनवटा एक्साभेटर प्रयोग गरेर पहिरो हटाइएको थियो। सडक खुल्ला भएसँगै रोकिएका सवारीसाधन गन्तव्यतर्फ पठाइएका छन्।