अनमोल केसी र सुहाना थापा अभिनित फिल्म ‘ए मेरो हजुर–४’ आगामी वैशाख १ गते रिजिल हुँदै छ। त्यसको एउटा गीत भने शुक्रबार सार्वजनिक गरिएको छ।
‘फूलको थुंगा’ बोलको गीत युट्युबमार्फत सार्वजनिक गरिएको हो। जुन गीतमा अस्मिता अधिकारी र सुगम पोखरेलको स्वर छ।
गीतको भिडिओमा अनमोल र सुहानाले मायाप्रेम साटेका छन्।
झरना थापा र श्रीकृष्ण श्रेष्ठ अभिनित ‘ए मेरो हजुर’ फिल्मको ‘फूलको थुंगा हौ कि’ भन्ने गीतबाट यसको हुक लाइन साभार गरिएको हो।
उदितनारायण झा र दीपानारायण झाले गाएको उक्त गीत त्यसबेला निकै चर्चित भएकाे थियाे।
