काठमाडौँमा उपत्याकामा ८ जना सहित देशभर थप २३ जनामा कोरोना संक्रमण पुष्टि

काठमाडौं, १३ चैत – पछिल्लो २४ घण्टामा काठमाडौँमा उपत्याकामा ८ जना सहित देशभर थप २३ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभरको प्रयोगशालामा ३ हजार ७८० आरटी पीसीआर तथा १ हजार ४४२ एन्टीजेन परिक्षण सहित ५ हजार २२२ जनाको परिक्षण गर्दा थप २३ जानामा संक्रमण देखिएको हो ।

यो सँगै कोरोना संक्रमितको कुल संख्या ११ लाख १८ हजार ३९९ रहेको छ भने सक्रिय संक्रमितको संख्या १ हजार ५५८ रहेको छ । यस्तै, पछिल्लो २४ घण्टामा थप २ सय १५ जना कोरोना संक्रमित निको भएका छन् ।

योसँगै कोरोनामुक्त हुनेको संख्या ९ लाख ६४ हजार ८२३ पुगेको छ । यसैबीच, पछिल्लो २४ घण्टामा कोरोना संक्रमणका कारण मृत्यु हुनेको संख्या शुन्य रहेको स्वास्थ्य मन्त्रालयले जनाएको छ । यसैगरी संक्रमण बाट अहिलेसम्म मृत्यु हुनेको कुल संख्या ११ हजार ९५१ रहेको छ ।