कालीमाटी बजारले सार्वजनिक गर्यो आजको थोक मूल्यसूची, गोलभेँडा प्रतिकिलो १२ रुपैयाँदेखि
काठमाडौं, ३२ असार – कालीमाटी फलफूल तथा तरकारी बजार विकास समितिले आजका लागि कृषि उपजको थोक मूल्यसूची सार्वजनिक गरेको छ। समितिका अनुसार गोलभेँडादेखि फलफूल, हरियो तरकारी, मसला र माछासम्मका विभिन्न कृषि उपजको अधिकतम थोक मूल्य निर्धारण गरिएको हो।
आजको मूल्यसूचीअनुसार गोलभेँडा ठूलो (नेपाली) प्रतिकिलो रु ४५, गोलभेँडा सानो (लोकल) रु १२ र गोलभेँडा सानो (टनेल) रु २१ कायम गरिएको छ। त्यस्तै रातो आलु प्रतिकिलो रु ३७ देखि रु ४८, सेतो आलु रु ३५ र भारतीय सुकेको प्याज रु ५५ निर्धारण गरिएको छ।हरियो तरकारीतर्फ गाजर प्रतिकिलो रु १०० देखि रु १२०, स्थानीय बन्दा रु ३५, काउली रु ६०, रातो मूला रु ३५, सेतो मूला रु २०, भन्टा रु ४० देखि रु ५०, भिन्डी रु ४५, लौका रु ४०, घिरौँला रु ५० र फर्सी रु ५० देखि रु ९० कायम गरिएको छ।
सागसब्जीतर्फ रायो साग प्रतिकिलो रु १२०, पालुङ्गो रु १००, चम्सुरको साग रु १००, तोरीको साग रु ७० र हरियो प्याज रु १०० तोकिएको छ। च्याउमध्ये कन्य च्याउ प्रतिकिलो रु २६०, डल्ले च्याउ रु ४००, राजा च्याउ रु ३०० र सिताके च्याउ रु एक हजार निर्धारण गरिएको छ।
फलफूलतर्फ फुजी स्याउ प्रतिकिलो रु ३००, नेपाली केरा प्रतिदर्जन रु २५०, मालभोग केरा रु २००, कागती प्रतिकिलो रु १६०, अनार रु ५००, मालदह आँप रु १५०, दशहरी आँप रु १६०, तरबुजा रु ७०, जुनार रु ३००, नासपाती रु १३०, नेपाली मेवा रु ९० र भारतीय मेवा रु १२० कायम गरिएको समितिले जनाएको छ। मसलातर्फ अदुवा प्रतिकिलो रु २००, सुकेको खुर्सानी रु ५००, हरियो खुर्सानी रु ४० देखि रु ७०, अकबरे खुर्सानी रु २५०, हरियो धनियाँ रु १२०, चिनियाँ सुकेको लसुन रु २२० र नेपाली सुकेको लसुन रु १८० तोकिएको छ।
त्यसैगरी ताजा रहु माछा प्रतिकिलो रु ३४०, बचुवा माछा रु ३००, छडी माछा रु ३०० तथा सुकेको माछा प्रतिकिलो रु एक हजारमा कारोबार हुने समितिले जनाएको छ। समितिले सार्वजनिक गरेको मूल्यसूची अधिकतम थोक मूल्य भएकाले बजारको माग, आपूर्ति र गुणस्तरका आधारमा खुद्रा बजारमा मूल्यमा केही फरक पर्न सक्ने जनाएको छ।
