विश्वकप फुटबलः अस्ट्रियामाथि सहज जितसहित स्पेन अन्तिम १६ मा
काठमाडौं, १९ असार – स्पेन फिफा विश्वकप फुटबल–२०२६ को अन्तिम १६ मा प्रवेश गरेको छ। अमेरिकाको लस एन्जलस स्टेडियममा आज सम्पन्न अन्तिम–३२ को खेलमा अस्ट्रियालाई ३–० गोलअन्तरले पराजित गर्दै स्पेनले नकआउट चरणमा स्थान सुरक्षित गरेको हो। यो जितसँगै स्पेनले १६ वर्षपछि विश्वकपको नकआउट चरणमा पहिलो जित दर्ता गरेको छ। सन् २०१० मा विश्वकप उपाधि जितेपछि स्पेनले विश्वकपको नकआउट चरणमा जित हासिल गर्न सकेको थिएन।
स्पेनले खेलको ३६औँ मिनेटमा अग्रता लिएको थियो। मार्क कुकुरेलाको पासमा मिकेल ओयार्जाबालले गोल गर्दै टोलीलाई सुरुआती अग्रता दिलाए। दोस्रो हाफको ६६औँ मिनेटमा अलेक्स बाएनाको क्रसलाई पेड्रो पोरोले हेडमार्फत गोलमा परिणत गर्दै स्पेनको अग्रता दोब्बर बनाए। खेलको ८९औँ मिनेटमा कुकुरेलाकै अर्को उत्कृष्ट पासमा ओयार्जाबालले व्यक्तिगत दोस्रो गोल गरेपछि स्पेनले ३–० को सहज जित सुनिश्चित गर्यो। यस जितसँगै स्पेनले विश्वकपको अन्तिम १६ मा स्थान बनाएको छ।
