वर्षाका कारण श्रीलंकासँगको खेल रद्द, नेपाल एसियन गेम्सबाट बाहिरियो

 काठमाडौँ । जापानमा जारी २०औँ एसियन गेम्सअन्तर्गत पुरुष क्रिकेटको तेस्रो क्वाटरफाइनलमा नेपाल र श्रीलंकाबीचको खेल वर्षाका कारण रद्द भएको छ । लगातारको वर्षाका कारण निर्धारित समयअनुसार खेल सुरु हुन नसकेपछि रद्द गरिएको हो । खेल रद्द भएसँगै प्रतियोगिताको वरीयताका आधारमा श्रीलंका सेमिफाइनलमा पुगेको छ । यससँगै नेपालको एसियन गेम्स यात्रा क्वाटरफाइनलमै समाप्त भएको छ । ने

पालले समूह चरणमा अफगानिस्तानलाई पराजित गरेको थियो भने जापानसँगको खेल वर्षाका कारण नतिजाविहीन भएपछि समूह विजेताका रूपमा क्वाटरफाइनलमा पुगेको थियो । यसअघि पनि वर्षाका कारण पाकिस्तान–हङकङ तथा भारत–अफगानिस्तानबीचका क्वाटरफाइनल खेल रद्द भएका थिए । ती खेलमा उच्च वरीयताका आधारमा पाकिस्तान र भारत सेमिफाइनलमा पुगेका थिए । आजै हुने चौथो क्वाटरफाइनलमा बंगलादेश र मलेसिया भिड्ने तय भएको छ । लगातारको वर्षाका कारण उक्त खेलसमेत प्रभावित हुने सम्भावना रहेको छ ।